Олон нийтийн цахим сүлжээнд өсвөр насны хүүхдүүд муудалцан нэгнийхээ толгой дээр халуун кофе асгасан бичлэг цацагдсан билээ. Тодруулбал, хохирогчийг өөр лүү нь "муухай харсан" гэх шалтгаанаар халуун кофе асгасан талаар хохирогч М хэлж байгаа юм.

Хэрэгт холбогдоод буй халуун кофе асгасан эмэгтэйн аав нь "нэр бүхий өмгөөлөгч" бөгөөд тэрбээр Цагдаагийн байгууллагад мэдүүлэг өгөхөөр очсон ч мөн асуудал үүсгэн бичлэг хийж олон нийтийн сүлжээнд цацжээ.

Тэрбээр цахим сүлжээнд "Цагдаагийн алба хаагч миний биед халдлаа" гэх агуулгатай бичлэгийг оруулсан нь дээрх хэргийн мэдүүлгийг өгөхөөр очсон хэрэг байжээ.