БОАЖ-ын дэд сайд Г.Түвдэндорж "Huawei" компанийн Монгол дахь захирал Andrey Songyaxu, Бизнес олон нийттэй харилцах захирал Т.Эрдэнэхүү, менежер Л.Анастасия хүлээн авч уулзлаа.

Дараах асуудлаар санал солилцов.

"HUAWEI" компани МУ-ын Ерөнхийлөгчийн санаачилсан “Тэрбум мод” үндэсний хөдөлгөөнийг дэмжиж нийгмийн хариуцлагын хүрээнд бичил цэцэрлэгт хүрээлэн байгуулах, нийтийн эзэмшлийн ногоон байгууламжийг нэмэгдүүлэх, мод тарих ажлыг дэмжиж, хамтран ажиллах хүсэлт тавив.

Мөн сэргээгдэх эрчим хүчний дэвшилтэт технологийг гэр хорооллын дэд бүтцийг сайжруулах туршилтын төслийг эхлүүлэх асуудалд санал солилцож, дэмжлэг үзүүлэхээр болов.

Агаар, орчны бохирдлыг бууруулах чиглэлээр хамтран ажиллах зэрэг асуудлаар санал солилцов.