Залуусын хөгжих, чөлөөт цагаа үр бүтээлтэй өнгөрүүлэх орчин нөхцөлийг бүрдүүлэх зорилготой “Хүүхэд, залуучуудын хөгжлийн төв”-ийн 3 давхар барилгыг Гурвантэс суманд орон нутгийн төсвийн хөрөнгөөр бүтээн байгуулж ашиглалтад орлоо. Нээлтийн арга хэмжээг өнөөдөр зохион байгуулж аймгийн удирдлагууд оролцлоо.

Аймгийн Засаг даргын үйл ажиллагааны “Өсөлттэй Өмнөговь” хөтөлбөрийн хүрээнд залуус, ирээдүй хойчруу чиглэсэн олон ажлууд сумдад төлөвлөгдсөний нэг нь энэхүү хөгжлийн төв юм.

Гурвантэс сумын удирдлагууд хөгжлийн төвд төрөл бүрийн спортын дугуйлан, хүний хөгжлийн сургалтууд, бүжгийн дугуйлан, кофе шоп, филиппин багштай англи хэлний сургалтыг нээн хүүхэд, залуусыг олон талаар хөгжих боломжийг бүрдүүлэн ажиллаж байна.