“Чингис хаан баялгийн сан” нэгдлийн бүрэлдэхүүн компаниудын хагас жилийн тайлангийн хурлаар нэгдлийн үйл ажиллагаанд тулгамдаж буй 68 асуудлыг хэлэлцэж, 9 үндсэн чиглэлээр шийдвэрлэхээр тогтлоо.

Оны сүүлийн хагас жилд илүү ихийг хийж, илүү өндөр үр дүн гаргах зорилт тавьж байна.

• Экспортын орлогыг нэмэгдүүлэх боломжийг эрэлхийлэх

• Улсын төсөвт төвлөрүүлэх орлогыг нэмэгдүүлэх

• Байгалийн баялгаас иргэдэд хүртэх өгөөжийг нэмэгдүүлэх боломжийг судалж, хэрэгжүүлэхээр ярилцав.

“Чингис хаан баялгийн сан нэгдэл”-ийн Гүйцэтгэх захирал Б.Даваадалай бүрэлдэхүүн компаниудаас гаргасан санал, шаардлагыг цаг алдалгүй хэрэгжүүлж, нэгдлийн хэмжээнд нэгдсэн зорилго, хариуцлагатай, шуурхай ажиллахыг нийт хамт олондоо уриаллаа.